Мозорга киришда қайси оёқ биринчи қўйилади? 09.04.2016
Савол:Ассалому алайкум, домла. Мозорга ўнг оёқ билан кириладими ёки чап оёқ биланми? Жавобингиз учун олдиндан раҳмат!
Булим Одоб-ахлоқ7688
Ва алайкум ассалом. Қабристонга кириб, ўлимни, охиратни эсланади, маййитлар ҳақига дуолар қилинади, истиғфор айтилади. Қуръон ўқиб савоби бағишласа, манфаати етишидан умид қилинади.
Набий соллаллоҳу алайҳи ва саллам масжидга ўнг оёқ билан кириб, ундан чиқишда чап оёқни қўйишлари ҳақида ҳадислар ворид бўлган. Ул зот соллаллоҳу алайҳи ва саллам ҳурматли ва мукаррам бўлган ишларни ўнг қўл ёки ўнг оёқни муқаддам қўярдилар. Паст ва ҳурматсиз нарсаларда эса аксини қилардилар. Ҳожатхонага киришда чап оёқни муқаддам қилиб, ундан чиқишда ўнг оёқ билан чиқилиши ҳам шу қабилдандир. Агар бу нарсага қабристонни қиёс қилинадиган бўлса, у ҳолда унга киришда ўнг оёқни биринчи қўйиш тўғрироқ бўлади. Зеро, инсон зоти мукаррамдир. Мусулмон инсон эса яна-да мукаррамдир. Қабристонлар эса мўмин-мусулмонларнинг қабри билан тўла. Лекин, бу нарса қабристонга оид бўлган ишларнинг энг муҳими эмас, валлоҳу аълам.