Ва алайкум ассалом. Бирон кишининг айбини жамоат ичида айтиб уялтириш тўғри эмас. Бу иш холи жойда қилинади. Шундай йўл тутиш керакки, айб иш қилган одам кишилар олдида мулзам бўлмасин ва ўз хатосини тушуниб етсин. Агар бирон гуноҳдан қайтарилмоқчи бўлса, нотўғри иш қилаётган одамнинг номини тилга олмасдан, ҳаммага тегишли қилиб: “Одамларга нима бўлди, мана бундай ишларни қилмоқдалар? Ваҳоланки, Аллоҳ бундан қайтарган!” деб насиҳат қилинади. Шунда амру маъруф ва наҳий мункар вазифаси адо этилади, ҳеч кимнинг дили оғримайди. Валлоҳу аълам!