Сўкинганда таҳорат синадими? 21.03.2016
Савол:Ассалому алайкум, домла. Бир савол билан мурожаат қилмоқчи эди. Бу жуда оддий, лекин ҳадис билан жавоб берсангиз, яхши бўларди!.. Савол: бир дўстим: “Таҳоратни бузадиган нарсалар орасига сўкиниш қўшилмаган. Сўкинса, таҳорат кетмайди?” деди. Илтимос, шу масалага ойдинлик киритиб берсангиз!
6477
Ва алайкум ассалом. Аксар уламолар фаҳш сўзларни гапириш, сўкишиш, ҳақоратлаш билан таҳорат бузилмаслигини таъкидлашган. Лекин баъзилар фаҳш сўзлар ҳам таҳоратни бузишини айтишган.
Бу бобда бир ривоят келтирилган. Оиша розияллоҳу анҳо бир-бирини сўкаётган икки кишига қарата: “Сизлар айтаётган баъзи нарсалар таҳоратни бузадиган нопокликдан ҳам ёмонроқ. Шундай экан, иккингиз таҳоратингизни янгиланг!” деб айтган экан.
Бу далилга жавобан Оиша розияллоҳу анҳо уларни одобга чақириш ёки сўкиш гуноҳини ювиш учун таҳоратни янгилашга буюрган бўлиши мумкин, дейилади. Валлоҳу аълам! (Манба: “Таҳорат китоби”).