Ота-она фарзандини бидъат ишларга буюрса, нима қилиш керак? 02.03.2016
Савол:Ассалому алайкум, ҳурматли қори ака. Аллоҳ илмингизни бундан-да зиёда этсин! Сизга берадиган саволим шундан иборат: Ислом динида ота-оналарнинг ҳақлари жуда чиройли баён этилган. Аммо ҳозирги кунга келиб айрим ота-оналар фарзандларини шариатда йўқ ишларни қилишга мажбурлашмоқда. Агар бу амаллар бажарилмаса, фарзандларидан ранжишмоқда. Фарзанд ота-онаси тарафидан бидъат амалларга мажбурланса ва бундан бош тортса, оқ бўлиб қолмайдими?
Булим Одоб-ахлоқ5220
Ва алайкум ассалом. Мусулмон банда ота-онани рози қилиши, уларнинг айтганларини бажо келтириши лозим. Чунки Аллоҳ таоло шунга буюрган. Агар улар сизни ёмон ишга ундасалар, айтганларини қилмасангиз, гуноҳкор бўлмайсиз. Зеро, Аллоҳга гуноҳкор бўлинадиган ишларда бандага итоат этилмайди.
Агар ота-она фарзандини бидъат-хурофотларга ундаса ҳам, уларга чиройли муомала қилинади, қаттиқ гапирилмайди. Ҳар қандай ҳолатда ота-онага мулойимлик билан муносабатда бўлинади. Хато иш қилаётган бўлсалар, бу иш нотўғри экани ётиғи билан тушунтирилади, қўполлик қилинмайди.