Компьютер ўйинларидан топилган пул ҳалолми? 24.11.2015
Савол:Ассалому алайкум, устоз! Мен компьютер устасиман. Эшитишимча, компьтер ўйинлари (GAME CLUB) клубидан топилган пул ҳаром, деб фатво берилган экан. Шу ростми? Компьютер ўйинлари клубида компьютер таъмирласа ҳам шу ҳукм доирасига кирадими?
6058
Ва алайкум ассалом. Агар ёшлар эътиқоди ва тарбиясига салбий таъсир қилмайдиган ўйинлар бўлса, ҳечқиси йўқ. Аммо ваҳшийликка, ёвузликка тарғиб қилувчи, Исломга қарши руҳдаги, яна беҳаё суратлари бўлган ўйинларни ўйнаш, ўйнатиш ёки шунинг орқасидан пул топиш тўғри эмас.
Сиз тузатмоқчи бўлган жиҳозлар қайси йўлда хизмат қилишини сўраб-суриштиринг. Агар шариат ман қилмаган мақсадларда бўлса, тузатиб бераверасиз. Акс ҳолда ножоиз ишга ёрдамчи бўлиб қолишингиз мумкин. Валлоҳу аълам!