Қарзимни сўрайверайми ёки? 31.08.2015
Савол:Ассалому алайкум, ҳурматли Одилхон қори ака. Икки кишининг мендан қарзи бор. Улар пулни олишганига олти йил бўлди. Қарзларини беришга қодир. Кўп марта сўрадим, лекин ололмадим. Саволим шуки, мен учун қарздан кечиб юбориш савоблироқми ёки қарздан кечмаганим яхшими?
4862
Ва алайкум aссалом. Қарз олган одам қийналиб қолган бўлса, унга муҳлат берилади. Жуда ночор кишилар қарзидан кечиб юборишнинг савоби жуда улуғ. Аммо қарздорнинг пули бўла туриб қарзини бермай юрган бўлса, қарзингизни сўрайверинг. Агар масала бу дунёда ҳал этилмаса, қиёмат куни ҳақингиз олиб берилади. Валлоҳу аълам!