Ва алайкум ассалом. Жин тегиши Қуръони карим ва ҳадиси шарифлар билан собит бўлган. Жин тегиши хаёлий, ё тўқима нарса эмас, ҳақиқатдир. Банда жинлар зараридан сақланиши учун ибодатларни вақтида бажариши керак. Хусусан, беш маҳал фарз намозларини қойиллатиб ўқиган инсон Аллоҳнинг паноҳида бўлади. Кейин озода юришга ҳаракат қилинг. Ҳадисда тешикка бавл қилишдан қайтарилган. Қолаверса, ҳаммомда бавл қилишдан эҳтиёт бўлинади. Чунки, бу васвасага сабабдир. Қолаверса, зикр, дуо ва салавотлар Аллоҳнинг изни билан бандани турли шикаст-балолардан сақлайди. Ҳадиси шарифларда Оятул курсийни ўқиган одам шайтон ва жинлар зараридан мукаммал ҳимояланиши айтилган.
      Сизга маслаҳат: уйқудан олдин Оятул курсий, Кофирун, Ихлос, Фалақ ва Нос сураларини ўқинг, дуо қилинг, зикр-тасбеҳлар айтинг. Шунда сизни ҳеч нарса безовта қилмайди, иншааллоҳ!