Ва алайкум ассалом. Сеҳрга қарши қуйидаги сура ва оятлар ўқилиши тавсия этилади:

1. Фотиҳа сураси.
2. Бақара сураси (имкони бўлса, тўлиқ ёки Бақара сурасининг 102, Оятул курсий ва мазкур сураси охирги оятлари).
3. Аъроф сурасининг 117-122-оятлари.
4. Аъроф сурасининг 139-ояти.
5. Юнус сурасининг 81-82-оятлари.
6. Исро сурасининг 81-ояти.
7. Тоҳа сурасининг 69-ояти.
8. Анбиё сурасининг 18-ояти.
9. Анбиё сурасининг 70-ояти.
10. Шуаро сурасининг 43-48 ҳамда 80-оятлари.
11. Фурқон сурасининг 23-ояти.
12. Муҳаммад сурасининг 28-ояти.
13. Ихлос сураси.
14. Фалақ сураси.
15. Нос сураси.

    Сеҳрга қарши буларнинг ҳаммасини ўқиш афзал. Аммо Фотиҳа, Бақара (Оятул курсий, суранинг охири), Ихлос ва муаввизатайн билан чекланса ҳам бўлади. Шунингдек, беш вақт намоздан кейин Оятул курсийни ўқиш одат қилиб олинса, манфаати кўп бўлади, иншааллоҳ. Бу билан банда Аллоҳнинг ҳимоясига киради, жин ва шайтонлар зараридан сақланади ҳамда вафот этганидан сўнг жаннатга киришига сабаб бўладиган амални қилган саналади.
    Мазкур сура ва оятларни уч ёки етти марта қироат қилинади. Буни сувга ўқиб, дам солиб ичиш ҳам мумкин. Сеҳрни муолажа қилишда эътиқодни тўғрилаш, Аллоҳга бўлган имонни мустаҳкамлаш, мана шу қироат фақат Аллоҳ изни билангина манфаат беришини аниқ билиш керак бўлади. Сеҳргарлар сеҳри ботил иш экани, Аллоҳ изнисиз бирон сеҳргар ёки жин ва шайтон бандага зарар етказолмаслигини билиш ҳам муҳим. Агар банда буни ўзи ўқий олса, ўзига-ўзи дам солади. Акс ҳолда эътиқоди тўғри, илмли ва тақволи кишига дам солдиради. Валлоҳу аълам!