Ҳайит куни вафот этган жаннатга кирадими? 20.07.2016
Савол:Ассалому алайкум, устоз! Сизга қуйидаги саволни йўлламоқчи эдим: уч кун Рамазон ҳайитида вафот этганлар жаннатга кирадими?
Булим Ақида9168
Ва алайкум ассалом! Аввало шуни айтиш керакки, Рамазон ҳайити уч кун эмас, бир кун. Иккинчидан, Рамазонда, ҳайит кунларида ёки жума кунида вафот этган банданинг жаннатга кириши ваъда қилинмаган. Бундоқ қаралса, бу кунларда қанчадан-қанча имонсиз, бетавфиқ, ўзини мусулмон санаса-да, ибодатдан узоқ кимсалар вафот этади. Аслида, жаннатга кириш учун Аллоҳга имон келтириш, У Зотнинг амр-қайтариқларига қулоқ тутиш керак. Чунончи, жаннатга кириш учун фазилатли кунда вафот этиш шарт эмас. Лекин, кишининг ўзи иймон-эътиқодли, солиҳ бандалардан бўлса фазилатли кунларда, фазилатли маконларда вафот топишидан яхшилик ва фазилат умид қилинади. Аммо, қатъий қилиб, жаннатий бўлди, дейилмайди. Валлоҳу аълам!