Иш вақтида ухлаб қолса... 07.10.2015
Савол:Ассалому алайкум. Аввалги саволимга берган жавобингиз учун раҳмат! Узр, яна бир савол бор эди: Мен автомашиналар сақланадиган ҳудудда қўриқлаш хизматида ишлайман. Ҳар куни иш. Агар бирор нарса йўқолса, маошимиздан ушлаб қолинади. Ишим анча масъулиятли. Тинимсиз уйқусизликдан одам чарчаб қолади. Шу иш жойимда бир икки соат ухлаб қолсам, ишимга хиёнат бўлмайдими? Ухлашимга хўжайинлар норози, албатта. Бироқ 16 соат бўлгани учун одам қийналиб қоляпти.
Булим Маслаҳат4784
Ва алайкум ассалом. Агар “иш вақтида ухлаш мумкин эмас”, деб қатъий белгилаб қўйилган бўлса, ҳар бир дақиқа учун сизга пул тўланса, ухлаб қолишингиз мумкин эмас (Айниқса, қўриқлаш хизматида ишлашингизни ҳисобга олганда). Ишингиз шуни тақозо этади. Сиз ишда эмас, бошқа вақт яхшилаб дам олиб, ишга тетик ҳолда келишингиз лозим. Шунга секин-аста ўрганиб боришингизни маслаҳат бераман.
