Ва алайкум aссалом. Ибн Касир “Тафсир”да ёзишича, “каррамаллоҳу важҳаҳ”нинг маъноси тўғри бўлса ҳам, ёлғиз Али ибн Абу Толиб розияллоҳу анҳуга хосламасдан, бошқа саҳобаларга ҳам ишлатса бўлади. Уламолар айтишича, “каррамаллоҳу важҳаҳ”ни ҳазрати Алига хослаш шиалардан чиққан. Улар Али ибн Абу Толибни муболаға билан ҳурматлаш мақсадида шундай қилишган.
   Хулласи калом, мўмин-мусулмон банда барча саҳобаларга бирдек ҳурмат бажо келтиради, уларнинг номлари зикр этилса, “розияллоҳу анҳу” дейди. “Каррамаллоҳу важҳаҳ”ни Али ибн Абу Толибгагина хосламандан бошқа саҳобаларга ҳам ишлатиш, ёки ҳаммаларига бил хил “розияллоҳу анҳу” деб айтиш тўғрироқ бўлади.
   Маълумот ўрнида айтиб ўтамиз, “каррамаллоҳу важҳаҳ” бирикмаси “Аллоҳ юзини нурли қилсин!” “Юзини нурафшон қилсин!” “Мартабасини юқори кўтарсин!” каби маъноларни англатади. Валлоҳу аълам!