Мен уйланаётган қиз хўжалардан экан!. 17.08.2015
Савол:Ассалому алайкум, устоз. Аҳволларингиз яхшими? Уйланишга уйдагилар билан қиз топдик. У қиз барчага ёқди. Мусулмон, илмли, намунали оиладан экан, лекин уларнинг насли хўжа бўлиб чиқди. Биз эса хўжамасмиз. Мен ўша қизга уйлансам бўладими?
Булим Маслаҳат4997
Ва алайкум ассалом. Шариатда хўжалардан қиз олиш мумкин эмас, деган гап йўқ. Оила мустаҳкам бўлиши учун йигит ва қиз, аввало, имон-эътиқод ва одоб-ахлоқда бир-бирига тенг бўлиши керак. Сиз уйланаётган қизнинг насли хўжалардан бўлса, ҳечқиси йўқ. Қизнинг ўзида бирон жиддий айб бўлмаса, икки тараф бир-бирига маъқул келса, никоҳни бошлайвериш керак. Хайрли иш тўхтаб қолмасин!