Қўрқиш гуноҳми? 15.05.2016
Савол:Ассалому алайкум! Бир дўстимдан эшитиб қолдим: қўрқиш гуноҳ, фақат Аллоҳдан қўрқиш керак. Бошқа ҳолатдаги қўрқиш гуноҳ экан. Шу гап тўғрими?
Булим Ақида5551
Ва алайкум ассалом. Аллоҳ таоло Қуръонда фақат Ўзидан қўрқишга, тақво қилишга чақирган. Аллоҳдан қўрқиш, У Зот улуғлигини эътироф этиш, айтганларини қилиш, қайтарганларидан қайтиш, Аллоҳнинг ғазабига учрашдан сақланиш билан бўлади.
Маълумки, ҳар бир инсонда табиий қўрқув ҳисси мавжуд. Масалан, қоронғиликдан, юқорига чиқишдан, йиртқич ҳайвондан, сувга чўкиш ёки табиий офатлар қурбони бўлишдан қўрқиш ҳар бир одамнинг фитратида бор нарса. Бу – унинг табиатига хос хислат. Бунинг учун ҳеч ким маломат қилинмайди. Чунки, табиий қўрқув одамнинг ўзига боғлиқ бўлмаган ҳолда юз беради. Чунончи, табиий қўрқув билан Аллоҳдан қўрқиш ўртасида фарқ бор. Валлоҳу аълам!