Бисмиллаҳир роҳманир роҳийм! Тушлар орасида солиҳ туш ҳам, алоқ-чалоқ, бирон нарсага далолат қилмайдиганлари ҳам бўлиши мумкин. Яна баъзида шайтон васвасаси таъсирида ёмон тушлар кўриш кузатилади. Яна жин текканда ҳам турли ҳайвонлар, қўрқинчли манзараларни кўриш эҳтимоли бор. Туш сирли нарса бўлиб, туш кўрганда қандай йўл тутиш борасида ҳадиси шарифларда кўрсатмалар келган. Ўша кўрсатмалардан баъзиларини айтадиган бўлсак, ётиш олдидан Оятул курсий ўқилса, банда ёмон туш кўришдан омонда бўлади. Яна яхши туш кўрганда бировга айтиш мумкин. Аммо ёмон тушни бировга айтиб бўлмайди.

Айтмоқчи бўлганимиз шуки, ҳар қандай туш ҳам маълум бир маънога далолат қилавермайди. Валлоҳу аълам!