Bismillahir rohmanir rohiym! Tushlar orasida solih tush ham, aloq-chaloq, biron narsaga dalolat qilmaydiganlari ham bo‘lishi mumkin. Yana ba’zida shayton vasvasasi ta’sirida yomon tushlar ko‘rish kuzatiladi. Yana jin tekkanda ham turli hayvonlar, qo‘rqinchli manzaralarni ko‘rish ehtimoli bor. Tush sirli narsa bo‘lib, tush ko‘rganda qanday yo‘l tutish borasida hadisi shariflarda ko‘rsatmalar kelgan. O‘sha ko‘rsatmalardan ba’zilarini aytadigan bo‘lsak, yotish oldidan Oyatul kursiy o‘qilsa, banda yomon tush ko‘rishdan omonda bo‘ladi. Yana yaxshi tush ko‘rganda birovga aytish mumkin. Ammo yomon tushni birovga aytib bo‘lmaydi.

Aytmoqchi bo‘lganimiz shuki, har qanday tush ham ma’lum bir ma’noga dalolat qilavermaydi. Vallohu a’lam!