Ва алайкум ассалом. Агар эркак киши жинсий алоқага қодир бўлмаса ёки мижози суст бўлса, эркаклик қувватини кучайтирувчи табиий ва ҳалол дори воситаларини истеъмол қилиши жоиз. Лекин яқин орада чиққан замонавий дориларни қўллашда эҳтиёт бўлиш лозим. Сабаби бундай дорилар киши соғлиғига зарарли бўлиши мумкин. Киши соғлиғига зиён етказадиган нарса туғилажак фарзандга ҳам таъсир кўрсатиши эҳтимолдан холи эмас.
    Бу борада, биринчидан, соҳа мутахассиси билан маслаҳатлашганингиз маъқул. Чунки ҳар кимнинг ҳолати турлича бўлади. Ўз соҳасининг мутахассиси, моҳир шифокор ёки табиб беморнинг аҳволига қараб фойдали маслаҳат беради. Иккинчидан, замонавий дори воситаларни қўллаш борасида Ўзбекистон мусулмонлари идораси фатво ҳайъати кенгашига мурожаат қилиш лозим.