Mijozni quvvatlantiruvchi dori ichib jinsiy aloqa qilish mumkinmi? 18.07.2016
Savol:Assalomu alaykum, hurmatli qori aka. Ming bir istihola bilan sizdan ushbu savolimga javob berishingizni so‘rardim! Ayoli bilan ayrim sabablarga ko‘ra dori iste’mol kilgan holda jinsiy aloqa qilsa, bo‘lajak farzandga ziyon bo‘lmaydimi? Javobingiz uchun avvaldan rahmat!
Bo`lim Oilaviy26945
Va alaykum assalom. Agar erkak kishi jinsiy aloqaga qodir bo‘lmasa yoki mijozi sust bo‘lsa, erkaklik quvvatini kuchaytiruvchi tabiiy va halol dori vositalarini iste’mol qilishi joiz. Lekin yaqin orada chiqqan zamonaviy dorilarni qo‘llashda ehtiyot bo‘lish lozim. Sababi bunday dorilar kishi sog‘lig‘iga zararli bo‘lishi mumkin. Kishi sog‘lig‘iga ziyon yetkazadigan narsa tug‘ilajak farzandga ham ta’sir ko‘rsatishi ehtimoldan xoli emas.
Bu borada, birinchidan, soha mutaxassisi bilan maslahatlashganingiz ma’qul. Chunki har kimning holati turlicha bo‘ladi. O‘z sohasining mutaxassisi, mohir shifokor yoki tabib bemorning ahvoliga qarab foydali maslahat beradi. Ikkinchidan, zamonaviy dori vositalarni qo‘llash borasida O‘zbekiston musulmonlari idorasi fatvo hay’ati kengashiga murojaat qilish lozim.