Исм таркибига “ - бону” қўшимчасини қўшиш 21.09.2015
Савол:Aссалому алайкум. Катта қизимиз Нигинабону исмини Зайнаббону деб ўзгартирсак бўладими? Омина ҳамда Зайнаб исмларига “бону” қўшимчасини қўшиш мумкинми? Бу исмга нисбатан ҳурматсизликка йўйилмайдими? Сабаби қайнота ва қайнонам қизимизни бону, дейишга ўрганиб қолишган. Аслида фарзандларимизнинг исмларини ҳам улар қўйишган, шунга турмуш ўртоғим билан озгина хижолатдамиз. Жавобингиз учун олдиндан ташаккур.
Аслида мен ҳам саййид ва хўжаларнинг авлодиман, 10 та аждодимни биламан. Эшитишимча, раҳматли ойимлар Қуръон тиловат қилганларида Эски шаҳардаги мадрасаларда ҳатто эркак қорилар ҳам тасанно айтишган экан. Лекин уларга муносиб эмас эканман, деб ўйлаб қолдим. Аллоҳ насиб этса, ўзимни ўзгартираман. Ушбу сайт хусусида барча танишларимга айтиш ниятидаман. Ташаккур...
Булим Ижтимоий масалалар
8461
Ва алайкум ассалом. Бизда исмлар таркибига қўшиладиган “-бону” қўшимчаси “шоҳлар авлодига мансуб аёл”, “аслзода аёл” маъносини англатади. Бу қўшимча уй бекаси, хонадон эгаси ва ҳурмат-эҳтиром маъносида қўлланади. Демак, исмларга “-бону” қўшимчасини қўшишнинг зарари йўқ. Бу урф билан боғлиқ нарса. Лекин “Омина” ва “Зайнаб” исмлари қўшимчасиз ҳам чиройли.