“Қариндошларим мени иссиқ-совуқ қилишяпти!” 10.09.2015
Савол:Ассалому алайкум! Домла, муборак ҳадисларда қариндошчиликка катта аҳамият берилган. Лекин мана шу яқинларимдан баъзилари дўстлик қилмасалар, олдимизда яхши гапириб орқамиздан бошқача гапиришса, иссиқ-совуқ қилиб одамга зарар етказишса, у ҳолда бундай одамлардан узоқлашса бўладими? Бошқа илож қолмади!
5268
Ва алайкум aссалом. Нима бўлганда ҳам қариндошларингиз билан яхши муомалада бўлинг, улар билан силаи раҳмни боғланг. Улар сизга ёмонлик қилсалар ҳам, сиз доим яхшилик қилаверинг. Шунда Аллоҳ олдида юзингиз ёруғ бўлади. Сизнинг бу муомалангиз уларнинг қалбини юмшатиб, ўз хатоларини тушуниб етсалар ажабмас.
Агар одамларнинг иссиқ-совуқ қилиши сизни ташвишга солса, ибодатларда мустаҳкам бўлинг, зикр-тасбеҳлар айтинг, дуо қилинг, Аллоҳдан паноҳ сўранг. Фотиҳа, Оятул курсий, Ихлос, Фалақ ва Нос сураларини доим ўқиб юринг. Шунда сизга – Аллоҳнинг изни билан – ҳеч нарса зарар етказа олмайди.
