Ҳайз кўраётган аёл зикр қилиши жоизми? 04.09.2015
Савол:Ассалому алайкум. Ҳайзли аёл ҳар кунги дуоларни ўқиб юриши, интернет орқали маъруза эшитиши, ҳадислар ва исломий савол-жавобларни ўқиши мумкинми?
Булим Ижтимоий масалалар4607
Ва алайкум aссалом. Ҳайз кўраётган аёл Аллоҳни зикр қилиши жоиз. Зеро, Расули акрам соллаллоҳу алайҳи ва саллам ҳажда узр соҳибаси бўлган Оиша розияллоҳу анҳо онамизга: “Ҳожилар қилаётган амалларни бажар. Фақат поклангунингча Байтуллоҳни тавоф қилмай тур”, деганлар (Бухорий ва Муслим ривояти).
Ҳайзли аёл Қуръони карим ва унинг тафсиридан бошқа китобларни ушласа бўлади.
Демак, ҳайз кўраётган аёл тасбеҳ, таҳлил, такбир, ҳамд, салавот ва истиғфор айтиши, дуо қилиши, тиловат ва маъруза эшитиши мумкин. Фақат оят ёзилган китобларни қўлига олмайди, тилини қимирлатиб тиловат қилмайди. Валлоҳу аълам!