Чақалоқ йиғлаб қолса ғуслсиз ҳолатда эмизиш мумкинми? 29.08.2015
Савол:Ассалому алайкум қори ака, алоқа вақтида бола йиғлаб қолди шунда болани эмизиш мумкинми? Олдиндан раҳмат!
Булим Оилавий6317
Жинсий алоқа вақтида бола қорни очлигидан йиғлаб қолса, ва то эмизмагунча ҳеч нарса билан овунмаса, албатта уни мажбуран эмизиб, тинчлантирилади. Чунки, то онаси ўрнидан туриб, чўмилиб келмагунча бола кутиб туролмайди. Айниқса, эмизукли чақалоқ бола бўлса, қорни очганда тўйдирилмагунча тинчланиши қийин нарса. Мабодо юқоридаги ҳолат рўй бериб қолса ҳам жинсий алоқани тўхтатиб, кейин эмизилади.
Аммо, аслида эса болани эмизишдан олдин аёл киши таҳоратли бўлиши, ҳеч бўлмаганда катта таҳоратда яъни ғуслли бўлган бўлиши ҳар томонлама афзал ва фазилатлидир. Кўплаб алломалар ва буюк шахсларнинг оналари шу нарсага ниҳоятда эътиборли бўлганлар. Фарзандларини эмизишдан олдин таҳорат олиб келиб, бисмиллоҳни айтиб кўкракларини тутганлар. Баъзилари эмизиш асносида ҳатто Қуръони каримдан айрим сураларни ҳам ўқиб турганлар. Албатта, бундай эмизишнинг фазилати катта. Шу боис илож қадар болани эмизишда шу нарсаларга диққат қилиш керак. Валлоҳу аълам!