Бизнес сирларини бировга айтмаса бўладими? 17.02.2017
Савол:Ассалому алайкум, қори ака. Мен сал кам тўққиз йил бир соҳада ишлаб, шу соҳанинг озми-кўпми мутахассисига айландим. Ўзим учун янги бизнес очиб, ишлаб чиқазишни йўлга қўйдим ва ҳозирда Ўзбекистоннинг ҳамма вилоятлари билан ишлаймиз. Энди менинг ишимни кўриб турган одамлар келиб, “биз ҳам шу ишни қилмоқчимиз. Ишингизни кўрсатинг”, деяпти ёки маслаҳат сўраяпти. Мен нима сабабдир уларга ўргатгим келмаяпти. Чунки бу менинг шунча йиллик меҳнатим самараси. Бироқ ўзимни олиб қочиб юрсам қўйишмаяпти. Битта йўли уларга ёлғон гапиришим қоляпти. Аммо бундай қилгим келмаяпти. Эртага улар менга ишониб анча пул тикиб қўйса, кейин ишлари касодга учраса, виждоним қийналади. Уларга очиқ-ойдин “ўргатмайман”, ҳам деёлмаяпман. Маслаҳат беринг, нима қилишим керак? Жавоб учун олдиндан раҳмат.
Булим Ижтимоий масалалар4805
Ва алайкум aссалом. Бунда умумий қоидалар ўргатилади, аммо ўзингиз кашф қилган нарсаларни, орттирган тажрибангизни бировга ўргатмасликка ҳаққингиз бор. Сабаби у сир бўлиб, уни ҳаммага ҳам айтиш шарт эмас. Уни ўзингиз шунча йиллик тинимсиз меҳнатингиз, ҳаётий тажрибангиз самараси ўлароқ кашф қилгансиз. Бизнесда ҳамма ўз тажрибасидан келиб чиққан ҳолда иш қилади ва бошқаларга ўзингиз йиллар давомида билиб олган малака ва тажрибаларни айтмаслигингиз мумкин. Яхшиси, бунда умумий қоидаларни айтинг, ўзингизгагина хос жиҳатларга тўхталманг. Айтилганда сизга зиён бўлиши мумкин нарсаларни, яна сирингизни бировга айтманг. Валлоҳу аълам!