O‘zidan katta ayolga uylansa bo‘ladimi? 28.02.2017
Savol:Assalomu alaykum. Ko‘p yillardan beri bir savol meni qiynab keladi. Erkak kishi o‘zidan katta ayol kishini yoqtirib qolsa yoki unga uylansa buni shariatda qanday tushinish mumkin? To‘g‘ri, Muhammad (s.a.v) ham o‘zlaridan katta inson bilan bir yostiqqa bosh qo‘yganlar. Lekin hozir kunda bunday masala bizni muqaddas dinimmizga mos keladimi? Javobingiz uchun oldindan rahmat.
20688
Va alaykumus salom. Nikohda erkak va ayol o‘rtasidagi yoshning ahamiyati yo‘q. Muhimi ular imon-e’tiqod, odob-axloq, dunyoqarash, kasb-kor kabilarda bir-biriga mos bo‘lsa, bir-birini to‘g‘ri tushunib keta olsa, o‘rtalarida nikoh shartnomasi tuzilishi joiz. Lekin er-xotin orasidagi yoshning haddan tashqari tafovut qilishi sabab fikrlar qarama-qarshiligi kelib chiqishi, oila tinchligiga xavf tug‘ilishi ehtimoli ham yo‘q emas. Shuni ham e’tibordan chetda qoldirmaslik tavsiya etiladi. Bu borada urfga ham qarab ish tutgan yaxshi.
