Ва алайкум ассалом. Бола туғилгач, имкон қадар тезроқ азон айтиш афзал. Исм қўйиш, ақиқа қилишни бироз (еттинчи кунгача) кечиктириш мумкиндир. Аммо азон айтишни кечиктирилмайди.
       Боланинг ўнг қулоғига азон, чап қулоғига такбир айтилади. Маълумки, намоз учун баланд овозда азон айтилади. Бироқ чақалоқ қулоғига оҳисталик билан, ўртача овозда азон айтиш керак. Азонни масжид имоми айтиши шарт эмас. Арабча ҳарфларни тўғри талаффуз қила оладиган ҳар қандай одам айтса бўлаверади. Лекин илмли киши бўлмаса, масжид имомини чақириш афзал. Сабаби азон лафзлари бехато талаффуз қилиниши керак. Азон айтгандан кейин чақалоқ танглайи хурмо ёки ширинлик билан кўтарилади, ҳақига яхшилик сўраб дуо қилинади.