Ва алайкум aссалом. Бизнинг ҳанафий мазҳабида (шунингдек, моликийларда ҳам) бомдоднинг суннатидан бошқаси қазо қилинмайди. Чунончи, бомдоднинг суннатини ўқимаган одам жамоат фарз намозини бошлаганида масжидга кириб келса, чамалаб кўради: агар суннатни ўқиса, фарзнинг бирор ракатига улгуришга кўзи етса, сафдан четроқда суннатни ўқиб тугатади ва имомга иқтидо қилади. Борди-ю, фарзнинг бирор ракатига улгурмайдиган бўлса, суннатни тарк этиб, фарз намозига қўшилади. Бомдод намозининг суннатининг ўзи алоҳида қазо қилиб ўқилмайди. Фақат ухлаб қолиб вақтини ўтказиб юборган бўлса, фарзи билан қўшиб суннатнинг ҳам қазосини ўқийди. Бомдод суннатидан бошқа намозларнинг суннатлари қазоси ўқилмайди (“Мухтасарул Виқоя”, “Ҳидоя”).