Ароқ ичишни ташлаш учун дори ичса бўладими? 13.09.2015
Савол:Ассалому алайкум ва раҳматулоҳи ва баракотуҳ! Саволим шундан иборатки: Ароқ ичишни ташлашга иродаси етмаган отамни дори воситалари билан ўзига билдирмай даволашга рухсат бериладими? Дори воситалари бироз қийноққа солиши ароқ бераётган ҳузур ўрнига ёқимсиз ҳолатлар бўлишини эшитганмиз шунинг учун менга маслаҳат беринг қори ака. Олдиндан раҳмат!
Булим Ижтимоий масалалар10838
Ва алайкум ассалом ва раҳаматуллоҳи ва баракотуҳ! Бу саволда кўп нарса биз учун мавҳум. У қандай дори воситаси? Билдирмай бериш қандай бўлади? Овқатига солибми, чойга солибми? Ёки ичилмоқчи бўлган ароққа билдирмай қўшиб берасизларми? Мутахассис доктор билан маслаҳатлашилганми? Агар ароққа солиб бермасангиз ва беришдан олдин доктор билан маслаҳатлашиб, мазкур дори беморга зарар бермайдими, қандай ножўя таъсирларга эга, каби саволларга жавоб олсангиз ва докторнинг йўл - йўриғи бўйича қилсангиз, иншоаллоҳ зарари йўқ. Валлоҳу аълам!