Ва алайкум ассалом. Ҳалол топган пулдан закот чиқарилади, яхшиликлар қилинади, унга барака беришини сўраб Аллоҳга дуо қилинади. Ҳаром молдан закот чиқарилмайди. Эҳсон қилиш ёки арзимаган миқдорда закот бериш билан ҳаром мол ҳалол бўлиб қолмайди.
    Бир одам бошқа бир одамнинг ҳаромдан пул топаётганини аниқ билиб туриб: “Топганингга барака берсин!”, “Омадингни берсин”, дейиши тўғри эмас. Зеро, мўмин банда ношаръий ишга ривож тиламайди. Аллоҳга ва охират кунига ишонган киши гуноҳ ишга кўмакчи ҳам, рози ҳам бўлмайди.