Уйланиш учун ўқиладиган дуо борми? 02.09.2015
Савол:Ассалому алайкум, қори ака! Сизга саволим бор эди: менинг ёшим 35 да. Бир неча йил олдин ажрашганман... Ўзим ўқитувчи бўлиб ишлайман. Ҳар куни намозда Аллоҳдан сўрайман. Лекин... Ижарада яшаганим учун оила қуришим анча қийин бўляпти. Ўзбекчилик-да, қуда тараф уй-жойи ва ота-онасини сўрайди. Бир тарафдан, суянадиган яқиним йўқ... Айтин-чи, мен оила қуришим учун қайси дуони ўқишим керак? Менга йўл кўрсатинг, илтимос!
Булим Ижтимоий масалалар8064
Ва алайкум aссалом. Суянадиган суянчиғим йўқ, деб зинҳор хафа бўлманг. Энг яхши қўлловчи Аллоҳдир. Аллоҳнинг яхшилиги миннатдан холи. Аллоҳга дуо қилиб, мушкулларингиз аришини сўранг, намозда бардавом бўлинг! Кечаси Воқеа сурасини ўқинг. Яна “лаа ҳавла ва лаа қуввата иллаа биллааҳ” калимасини ва истиғфорни кўп айтинг. Шунда ҳаммаси яхши бўлади, иншааллоҳ!
Сизга “Кенг ризқ ва барака омиллари” китобини ўқишни тавсия этаман. Саломат бўлинг!
