Ва алайкум ассалом. Мазкур ширинлик ўрамига ёзилган маълумотларга қаранг. Агар маҳсулот ҳаром қўшимчаларни ўз ичига олмаган бўлса, истеъмол қилсангиз бўлаверади. Бордию, шубҳангиз кетмаса, у ҳолда бировга бериб юборинг. Мисол учун, ўша ерлик ва бундай нарсаларни одатда бемалол тановул қиладиган аҳоли вакилларидан бўлмиш таниш-билишларингизга бериб юборсангиз бўлади. Ёки жуда бўлмаса уй ҳайвонларига едириш ҳам мумкин. Бу эса ташлаб юбориб, неъматни совуришдан яхшироқдир. Чунки, туриши нажосат бўлмаган нарсаларни ташлаб юбориш исроф бўлади. Мисол учун таомга қандайдир нажосат тушиб қолса, уни еб бўлмайди, аммо ҳайвонларга бериб юборилади. Сиз айтаётган ширинлик эса нажосат эмас, балки, ичида айрим ҳалол ёки ҳаромлиги ноаниқ бўлган қўшимчалар бўлиши мумкин. Шундай ҳолатда ахлатга ташлаб юборгандан кўра маҳаллий аҳолидан бўлган кишиларга бериб юбориш афзалроқ бўлади. Валлоҳу аълам!