Эгизакларнинг бири туғилмасдан нобуд бўлиб, бошқаси туғилса уларга қандай исм қўйилади? 02.09.2015
Савол:Ассалому алайкум Қори ака. Эгиз хомиланинг бири туғилмасдан она қорнидалигида нобуд бўлиб (3 ойлигида) бири дунёга келса, унга исм қўйишда эгизаклар исми (Ҳасан-Ҳусан, Фотима-Зухра сингари) қўйилиши керакми ёки бошқа яхши исмларни қўса ҳам бўладими?
Булим Ижтимоий масалалар4338
Ва алайкум ассалом. Эгизакларга “ҳасан-ҳусан”, “фотима-зуҳра”, “ҳасан-зуҳра”, “фотима-ҳусан” тарзида исм қўйиш асосан бизнинг юртларда урф бўлган. Ҳолбуки, Пайғамбаримиз Муҳаммад алайҳиссаломнинг суюкли набиралари Ҳасан ва Ҳусайнлар ҳам эгизак бўлишмаган. Уларнинг орасида бир йил фарқ бор. Лекин, халқимизда табаррук учун эгизакларга Набий алайҳиссаломнинг набиралари исмини қўйиш одат тусига кирган. Аммо, бу нарса эгизак туғилса уларга албатта шундай исм қўйиш кераклигини тақозо қилмайди. Шундай экан, маъноси яхши бўлган истаган исмингизни қўйишингиз мумкин. Валлоҳу аълам!