Ва алайкум aссалом. Агар сув ичаётган кишиниг оғзида ароқ, ҳаром гўшт ёки ёғ, қон ва шунга ўхшаш нарсалар бўлса, бундай сувлар нопок саналади. Агар оғзида санаб ўтилган нажосатлар бўлган киши оғзини ювса ёки лабини бир неча марта ялаб, сўнг сўлагини ютса, ундан қолган сув нажосат эмас, макруҳдир.  Агар ароқ ичувчининг мўйлаби узун бўлса, гарчи бир соатдан кейин сув ичса ҳам идишдаги сув нопок бўлади (“Татархония”).  Агар маст одам бирон идишдан сув ичса, ўша идиш яхшилаб ювиб ташланади ва ишлатилаверади. Валлоҳу аълам!