Ва алайкум ассалом. Витр намози хуфтон намози таркибига кирмайди. Хуфтон намози фарз бўлса, витрнинг ҳукми борасида икки хил қавл айтилган. Имом Абу Юсуф, Имом Муҳаммад ва Имом Шофеъий наздида витр намози суннат, мазҳаббошимиз Абу Ҳанифа раҳматуллоҳи алайҳ наздида эса, витр намози вожибдир. Вожиб бу нафл билан фарз ўртасидаги мартаба ҳисобланади. “Салоту-л-витр” яъни “витр намози” дейилишлиги ҳам мазкур намознинг хуфтон намози мажмуасига кирмаслигига далолат қилади. Шунингдек, қуйидаги ҳадис мазмуни ҳам бу фикрни тасдиқлайди.
      Абу Басрадан ривоят қилинган ҳадисда шундай дейилади:

الوتر فصلوها فيما بين العشاء إلى الفجر”“إن الله زادكم صلاة وهي

      яъни: “Аллоҳ сизларга яна бир намозни зиёда қилди. У ҳам бўлса витрдир. Бас, уни хуфтон билан бомдод орасида ўқинг!” (Имом Аҳмад ривояти).
    Витр намози ҳақида яна бошқа ҳадислар ҳам ворид бўлган. Витрнинг вожиб эканлигига далолат қилувчи ақлий ва нақлий далиллар, важҳ ва сабаблар кучлироқ бўлганлиги боис, мана шу ҳукм мазҳабимизда амалда. Шу сабаб бизда бу намоз “витр вожиб” дейилади. Уни ўқишни қолдирилмайди, қазоси ўқилади.
     Хуллас, витр вожиб намозига “хуфтоннинг витр вожиб намозини ўқишни ният қилдим”, деб эмас, балки “витр вожиб намозини ўқишни ният қилдим”, деб киришилади. Валлоҳу аълам!