Ва алайкум ассалом. Таҳоратсиз одам электрон шаклдаги Мусҳафни ўқиши, қироат ёзилган кассета, диск ёки телефонни ушлаши, улардан фойдаланиши жоиз. Бунда у хотирадаги Қуръонга ўхшатилади.

Агар ёзилган (варақий) Мусҳафни ушламоқчи бўлса, таҳоратли бўлиши шарт қилинган. Масалан, китоб ҳолидаги Қуръони каримни қўлга олиш учун таҳорат қилиш керак. Электрон шаклдаги Қуръонда бундай эмас. Унда Қуръон қўлга олинмайди, фақат экран орқали кўрилади ва ўқилади. Албатта бунда таҳоратли бўлиш афзал. Шундай бўлса-да, хотирасига Қуръони карим дастури ёки қироати ёзилган мосламалар (телефон, диск) билан ҳожатхонага кирилмайди.

Баъзи уламолар бу борада айтилган далилларни эътиборга олиб, электрон Мусҳаф ҳам варақий (ёзилган) Мусҳаф кабидир. Уни ушлаш учун таҳорат қилиш шарт. Акс ҳолда бу Қуръони каримга ҳурматсизлик бўлади, дейишган. Валлоҳу аълам!