Беморни истинжо қилдириш масаласи. 06.08.2015
Савол:Ассалому алайкум! Динимизда зарурат туфайли фарзанд қиз бўлсин, ўғил бўлсин, касал ота-онасининг фаржини тозалаши ва ювиши мумкинми? Қайсидир илм эгаси мумкинмас, деганмиш. Агар мумкинмас бўлса, унда бегона номаҳрам одам тозалаб қўйиши керакми? Илтимос, мана шу масалага ойдинлик киритиб берсангиз!
Булим Ижтимоий масалалар4241
Ва алайкум ассалом. Касал кишининг аёли ёки чўриси бўлмаса, ўзи таҳорат қилишга қодир бўлмаса, ўғли ёки ака-укаси унга таҳорат қилдириб қўяди. Фақат истинжо қилмайди. Сабаби улар беморнинг фаржини ушлашлари жоизмас. Бундай ҳолатда ундан истинжо соқит бўлади (“Ал-муҳит”). Касал аёлнинг эри бўлмаса ва таҳорат қилишга қодир бўлмаса, унинг қизи ёки опа-синглиси унга таҳорат қилдиради. Ундан ҳам истинжо соқит бўлади (“Фатава қозихон”).