Қарзни ундиролмаяпман. Маслаҳат беринг!
Савол:Ассалому алайкум, ҳурматли устоз. Сиз бошчилигингиздаги “Мухлис.уз” сайт ходимларига катта раҳмат!
Устоз, саволим қуйидагича: мен синашта бир танишимга пул бергандим. У бажариши лозим бўлган ишнинг уддасидан чиқмади. Мен унга пул бераётганимда қарз олаётганини ёздириб олганман. Ўша пулни қайтариш муддати белгиланган вақтидан анча ўтиб кетди. Мен ундан пулни қайтаришини сўрагани борсам, менга ўхшаган одамлар сони кўп экан! У қарзини тан оляпти, лекин қайтариш учун озгина кутиб туринг, деяпти. Бир неча бор шундай бўлди. Мана шунақа вазиятда қандай йўл тутишим керак? Қарзни узишини сабр билан кутайми ёки ҳуқуқни муҳофаза қилиш идораларига мурожаат қилайми?
Булим4895
Ва алайкумус салом. Агар оғир аҳволдаги қарздор қарзини тан олиб, озроқ муҳлат сўраётган бўлса, унга имкон бериш керак. Агар уддасидан чиқсангиз, қарзнинг бир қисмини ёки ҳаммасини кечиб юборсангиз, жуда катта ҳиммат қилган бўласиз. Лекин бунга имконингиз етмаса, қарздорнинг ҳолига раҳм қилинг (Агар қарз олиб, атайлаб қайтармай юрганида бошқа гап эди). Дуо қилинг, истиғфор айтинг. Шунда Аллоҳ ишингизни енгил қилса, ажабмас.
Сизга маслаҳат шу. Бироқ қарз олган одам устидан шикоят қилиб, қатъий чора кўришга шошилманг! Нега десангиз, қарздорга зулм қилиб қўйишингиз мумкин. Валлоҳу аълам!
