Ва алайкум ассалом. Боин талоқ икки хил бўлади: кичик боин талоқ ва катта боин талоқ.
      Бир ёки икки марта талоқ бўлса, кичик боин талоқ бўлади. Бунда икки тараф розилиги ва икки гувоҳ билан ва маҳр бериб, никоҳ янгиланиши мумкин. Ражъий талоқда бўлгани каби, фақат эрнинг пушаймонлиги ва қайтиши етарли эмас.
        Талоқ учта бўлса, катта боин талоққа айланади. Бунда аёл эрга ҳаром бўлади, биргаликдаги турмушлари тугайди. Демак, боин талоқ бир ёки икки марта бўлса, эр-хотин хоҳласалар, шарт-шароитларига риоя қилган ҳолда никоҳларини янгилайдилар. Агар талоқ учтага етса, хотин бошқа эрга тегиб, у билан яшаб, сўнг талоқ қилинган ва талоқ ражъийликдан чиқиб боинга айланган тақдирда аввалги эрига никоҳланиши мумкин. Уч талоқдан кейин, юқоридаги шартни бажармагунча, эр-хотин бирга яшаши мумкин эмас. Шу сабаб бўлар-бўлмасга “талоқ”, деган сўзни ишлатавермаслик лозим. (Манба: “Ҳидоя”)