Ва алайкум ассалом. Биринчидан, банда Аллоҳ берган фарзандга шукр қилиши лозим. Зеро, Аллоҳ хоҳлаган бандасига қиз, хоҳлаганига ўғил беради. Баъзиларга ўғил-қизларни аралаштириб беради. Ўзи хоҳлаган айрим бандаларини бепушт қилиб қўяди. Агар банда фақат қиз фарзандли бўлиб, ўғил кўришни хоҳласа, Аллоҳдан сўрайди. Зеро, фарзандни Аллоҳ беради. Дуо қилиб ўғил фарзанд сўрагандан кейин шу йўлда ҳаракат ҳам қилинади.
       Табиблар айтишича, ўғил кўриш учун мижози иссиқ таомлар истеъмол қилинади. Масалан, қўй гўштидан палов ёки кабоб, бедана тухуми ейиш Аллоҳнинг изни билан фойда беради. Седана ёғини ичиб юриш ҳам танада иссиқлик ҳосил қилади. Хуллас, бу борада кўп тавсиялар бериш мумкин. Яхшиси бу соҳада моҳир табибларга мурожаат қилганингиз маъқул. Аммо сизга айтиб қўйишимиз лозим бир жиҳат бор: фақат дори-дармон ёки таомларнинг ўзи фойда қиларкан, деган эътиқодда бўлмаслик керак. Фарзанд Аллоҳдан сўралади, баъзи табдирлар амалга оширилади. Фарзандни берувчи, тадбирларни рўёбга чиқарувчи Аллоҳдир

(Манба: Қуръони каримнинг Шўро сураси, “Табобат китоби”).