Эр аёлига фалон ишни қилсанг менга керагинг йўқ, деса талоқ тушадими? 06.09.2015

Ассалому алайкум. Мен турмуш ўртоғимга мен хоҳлагандай кийиниб юрасиз, деб айтгандим. Яъни, мусулмон аёл қандай кийинса, шундай. Шундай кийинмасангиз менга керагингиз йўқ, деб юборгандим. Турмуш ўртоғим эса қайсарлик қилиб, ўзи хоҳлаганидай кийиниб юрди. Менинг талабимни бажармади. Саволим шуки, шундан вазиятдан кейин никоҳни янгилаш керакми?

Иккинчи турмуш ўртоғимга қизларим номаҳрам бўладими? 06.09.2015

Ассалому алайкум, ҳурматли Қори ака! Илтимос, бир масалада ёрдам берсангиз. Ажрашганман, иккита қизим бор. Иккинчи турмуш ўртоғимга қизларим номаҳрамми, уларни (Отасини)олдида ўраниб юриши керакми? Жавобингиз учун раҳмат, Аллоҳ рози бўлсин.

Чақалоқ йиғлаб қолса ғуслсиз ҳолатда эмизиш мумкинми? 29.08.2015

Ассалому алайкум қори ака, алоқа вақтида бола йиғлаб қолди шунда болани эмизиш мумкинми? Олдиндан раҳмат!

Уйлангандан кейин аёлининг ўтмишда қилган гуноҳи фош бўлса нима қилиш керак? 26.08.2015

Аввало, сизларни бу қилаётган хайрли ишларингиздан Аллоҳ рози бўсин. Бу саволни беришдан кўп андиша қилиб юрдим. Ахийри, барибир сўрашга мажбур бўлдим. Аёлим ҳомиладор 6 ойли аммо ўтмишда қилган гуноҳи яқинда ошкор бўлиб бутун оилам, ота-онам, ҳаммани нафратига учради ва мен ҳам уша хиёнат, ёлғон учун "талоқсан,сени талоқ қилдим "деб талоқ бердим. Орадан вақт ўтиб, сайтингизда Ражъий талоқ ҳақида ўқидим ва сизга савол бердим. Мен берган талоқ ражъий талоқ эканлиги ва бинобарин, аёлимга қайтишим мумкинлигини айтингиз. Унга раҳмим келиб ёрдам қилиш мақсадида қайттим. Ҳозир у бошқа уйда яшайди. Мен бориб тураман. Лекин ҳеч кимга билдирмай. Чунки, оилам ундан нафратланади. Шу кунларда оилага келин керак деб бир оилани қизини топишди. Ибодатли, Аллоҳни таниган оила. Улар тўйга рози, аммо мен қийин аҳволдаман. Нима қилай, нима қилсам тўғри бўлади? Ҳозир бу қиз мени умуман яшамаслигимни билади. Бориб турганимни билмайди ҳеч ким. Бу ҳол давом этса, бу қизга нисбатан ноҳақли қилган ёки ёлғон билан ҳаёт бошлаган бўлмайманми? Балки аввалги аёлимга яна талоқ бериб, сўнгра бу қизга уйланишим керакми? Агар шундай бўлса ҳозир яна талоқ берсам у аёлга бошқа қайта олмайманми? Агар кейинчалик, уйланмоқчи бўлаётган қизни тўйдан кейин тушинтириб ундан болам бор деб рози қилсам ота-онамни рози қилсам бошқаттан никоҳ ўқитсам бўладими? Ёки у бошқасига турмушга чиқиб, ажрашганда мумкинми? Сизларни бу савол билан қийин вазиятга солган бўлсам, узр. Аммо ёрдамиз керак. У аёл ҳомиладор. Яқинда ундан болам бўлади аммо талоғини бермасам ҳозир бошқасига ноҳақли қиламан ва ота-онамни норози қиламан. Агар ҳозир талоқ бериб ўзим янги оила қуриб орадан 2-3 йил ўтиб ву кейинги аёлимни ота-онамни, балки ҳаммани кўндириб, тушунтириб, балки яна никоҳимга оларман десам, унда никоҳ мумкин бўлмасачи, деб ўйлайман. Агар бу никоҳни беркитиб яна бошқасига индамай уйланиб яшаб кетсам бу ёлғон очилса катта жанжал бўлиб, ҳаётим янаям қийинлашиб кетадими, деб ўйлайман. Иложи бўлса қандайдир тўғри йўл кўрсатинглар. Олдиндан раҳмат.

Болани қандай тарбиялаш керак? 25.08.2015

Савол: Ассалому алайкум ҳурматли домла! Сизга саволим бор эди ва шу билан биргаликда маслаҳатингиз ҳам керак. Икки нафар фарзандим бор, каттаси ўғил 7 ёшда, кичиги қиз 4 ёшда. Ўғлим бу йил насиб этса мактабга чиқади. Бугун онаси боғчага кетганда онасини айтганини қилмасдан ўзбошимчалик билан катта машиналар йулига қўлидаги копток билан чиқиб кетибди. Уйга келгач жаҳлим чикиб, оёғига хипчин билан 3-4 марта урдим. Чунки ушбу ҳолат олдин хам бир икки марта такрорланганда факат гап билан тушунтирган эдик. Энди сиздан сурамоқчиманки, шу тарбия юзасидан шу килаётган ишим тугрими? Ҳозирги ёшлар даврида тарбия учун таёқ билан уриш яхшимас, яна кўча тилида айтганда болани руҳи тушади, қўрқоқ бўлиб колади, деган гапларга нима дейсиз? Кимдан маслаҳат сўрасам боланинг ёнини олиб яхшимас болани урманг!, деб айтади, ҳатто психологлар ҳам. Маслаҳат беринг. Ҳозир мактабга чиқиш олдидан уни бир ўқитувчига тайёргарлик курсига бердим. Ўқишлари, ёзувлари яхши. Ёки болани 5 олдинг, сен зўр ўқияпсан, деб талтайтириб қўйдикмикан, тушунмадим. Мақсадим фарзандимни тўғри тарбиялаб, келажакда етук инсон бўлиб етишишига сабабчи бўлиш, ватанига, юртига, ота-онасига содиқ қилиб ўстириш! Маслаҳат беринг. Олдиндан катта раҳмат!