Атиргул ҳидлаганда салавот айтиладими? 29.10.2015
Савол:Ассалому алайкум ва раҳматуллоҳи ва барокатуҳ. Атиргул ва унинг ҳидини Расулуллоҳ соллаллоҳу алайҳи ва салламга қандай алоқаси бор? Атиргул ҳидлаганда Пайғамбаримизга саловат айтиш керакми?
Булим Бошқа мавзулар6043
Ва алайкумус салом ва раҳматуллоҳи ва барокатуҳ. Мўмин киши Пайғамбаримиз соллаллоҳу алайҳи ва саллам номларини эшитганида салавот айтиши керак. Али ибн Абу Толиб розияллоҳу анҳу Расулуллоҳ соллаллоҳу алайҳи ва салламдан ривоят қилади: “Олдида зикр қилинганимда менга салавот айтмаган кимса, шубҳасиз бахилдир!” (Термизий, Насоий, Аҳмад, Ҳоким ва Ибн Ҳиббон ривоят қилган. Ҳадис санади саҳиҳ).
Ибн Аббос розияллоҳу анҳу Расулуллоҳ соллаллоҳу алайҳи ва салламдан ривоят қилади: “Ким менга салавот айтишни унутса, жаннат йўлидан адашибди!” (Ибн Можа, Байҳақий ва Табароний ривоят қилган. Ривоят санади ҳасан).
Пайғамбаримиз алайҳиссаломга қандай ҳолатларда салавот айтилиши маълум. Бироқ, улар орасида атиргул ҳидланган вақт зикр этилмаган. Бу ҳақида биронта ривоят келганини билмайман. Аллоҳ билгувчироқдир.