Расм ва ҳайкал бор жойда намоз ўқиш ҳукми қандай? 07.09.2015
Савол:Ассалому алайкум, устоз! Ҳайвон акс этган ўйинчоқ ва расмлар турган уйда намоз ўқиб бўлмайди, деб эшитдим. Шунга батафсилроқ жавоб берсангиз, илтимос. Жавобингиз учун аввалдан раҳмат. Аллоҳ рози бўлсин!
Булим Ибодат масалалари5903
Ва алайкум aссалом. Намозхоннинг кийимида, саждагоҳида ва орқа тарафидан бошқа жойларда жонли нарсалар, жумладан инсон ва ҳайвон сурати бўлиши макруҳдир. Агар бундай суратлар жуда кичик ёки боши ўчирилган бўлса, зарари йўқ.
Ҳадиси шарифларда жонли нарсанинг сурати бор уйга фаришталар кирмаслиги айтилган. Бундай сурат бор жойда намоз ўқиш намознинг дурустлигига халал бермайди. Аммо намозда хушуни топаман, деган киши ибодат маҳал сурат ва ҳайкалчаларни ўзидан узоқроқ қилиши керак. Валлоҳу аълам!