Беш маҳал намозни битта қилиб ўқиса бўладими? 01.09.2015
Савол:Ассалому алайкум. Мен беш маҳал намознинг ҳаммасини бомдод вақтида битта қилиб ўқисам бўладими? Ишда вақт бўлмаяпти. Жавоб учун раҳмат!
Булим Ибодат масалалари5453
Ва алайкум ассалом. Овқат ейишга вақти бўлмаган одам эрталабки нонушта, тушлик ва кечки овқатни бир ўтиришда еёлмайди. Тўғрими? Унутмайлик, таом тананинг озуқаси. Намоз эса, руҳнинг озуқаси. Уни кунда беш маҳал, ўзининг белгиланган вақтида ўқиш керак.
Намознинг вақти кирмасидан олдин ўқиш фарз бўлмайди. Ҳамма намозларни қазо қилиб, кечаси жамлаб ўқиш ҳам жоизмас. Сиз шундай йўл тутингки, аввало, намозингиз тўкис адо этилсин, ишингиз ҳам қолиб кетмасин! Аллоҳга кўпроқ дуо қилинг, Ўзигагина суянинг! Муаммоларни ҳал этувчи, ташвишларни аритувчи Ёлғиз Аллоҳдир!