Ва алайкум ассалом. Мўмин-мусулмон банданинг либоси ўзига ярашган, кенгроқ, авратини ёпувчи, муҳими, намоз ўқиш учун қулай бўлиши керак. Мўмин банда кийим танлаётганда модани эмас, биринчи ўринда ибодатда қулай бўлишини ҳисобга олиши лозим. Нега десангиз, жуда тор кийимда намоз ўқиш хушуга монелик қилади. Намозда хушуга халал берувчи ҳар қандай нарса макруҳдир. Ибодат чоғида такрор-такрор шимни кўтаравериш амали касир (кўп ҳаракат қилиш) бўлиб қолади. Маълумки, амали касир билан намоз бузилади.
     Бизнинг ҳанафий мазҳабига кўра, басмала Фотиҳа сурасининг 1-ояти эмас. Шунинг учун намозда Фотиҳани ўқиганда, бисмиллоҳни айтиш шарт қилинмаган. Аммо ҳар бир ракатда Фотиҳадан олдин бисмиллоҳ айтилса, мақсадга мувофиқ бўлади. Валлоҳу аълам!