Кимларга дам солдириш мумкин?
Савол:Ассалому алайкум. Дам солдириш ҳақида бир саволим бор эди: домлага борганимда, заъфарон деган ўсимлик бор экан, Маккадан олиб келинган. Ўшанда Ёсин сурасидан битта мубин ёзиб устига озгина сув қуйиб, 2 - 3 марта ичираркан. Бу табиий фойдали гиёҳ. Ёсин сурасидан ўқиб дам соларкан. Қўлимга тасбеҳ бериб, 3 та жойидан тутиб нима ниятингиз бўлса, ичингизда айтин, менга айтманг, ҳақингизга Худодан сўраб дуо қиламан, деди. Кейин тасбеҳ билан 2 - 3 марта урди.
Дам солингандан кейин инсон ўзида қандайдир енгилликни ҳис қиладими? Дам соладиган инсон сизга биров ёмонлик қилаётганини ёки қилмоқчилигини билиши мумкинми? Ушбу хатти-ҳаракатлар ҳақида шариат нима дейди? Жавобиз учун олдиндан раҳмат!
Булим6733
Ва алайкумус салом. Шариатда дам солиш бор. Сувга дам солиб ичиш ҳам жоиз. Аммо одам ўзига - ўзи дам сололмаса, ишончли – илмли ва тақволи дам солувчи ҳузурига боради. Дам солувчи инсон қалбидаги нарсаларни, ғайбни – келажак ва ўтмишни билмайди, унга кимлар душманлик қилаётганини айтиб беролмайди. Агар шундай бўлса, у фолбин экан. Ундай кимсалар олдига борманг!