Ангела Меркель билан селфи тушган қочоқ Facebookни судга берди
Германия канцлери Ангела Меркел билан селфи тушиб, бутун дунёга машҳур бўлган суриялик қочоқ йигит Анас Модамани Facebook устидан судга ариза берди.
Биринчи суд мажлиси Вюрцбург шаҳрида бўлиб ўтади. Анас Модаманининг таъкидлашича, мазкур ижтимоий тармоқ фейк (сохта, ассосиз) маълумотлар тарқалишига сабабчи бўлмоқда.
“Анаснинг Меркель билан селфи сурати эълон қилингач, бу сурат террорчилар ва жиноятлар билан боғлиқ хабарларга жойлаштирилмоқда. Ҳимоям остидаги мижозим турли жиноятларга шерик қилинмоқда”, - дейди Анаснинг адвокати Чань-йо Цзюнь.