Angela Merkel bilan selfi tushgan qochoq Facebook`ni sudga berdi
9.2.2017 3676
Germaniya kansleri Angela Merkel bilan selfi tushib, butun dunyoga mashhur bo‘lgan suriyalik qochoq yigit Anas Modamani Facebook ustidan sudga ariza berdi.
Birinchi sud majlisi Vyursburg shahrida bo‘lib o‘tadi. Anas Modamanining ta’kidlashicha, mazkur ijtimoiy tarmoq feyk (soxta, assosiz) ma’lumotlar tarqalishiga sababchi bo‘lmoqda.
“Anasning Merkel bilan selfi surati e’lon qilingach, bu surat terrorchilar va jinoyatlar bilan bog‘liq xabarlarga joylashtirilmoqda. Himoyam ostidagi mijozim turli jinoyatlarga sherik qilinmoqda”, - deydi Anasning advokati Chan-yo Szyun.
