Бировнинг ҳақини еган жаннатга кирмайди ! (ми?) 04.03.2016

Ассалому алайкум! Бировнинг хақини еган кимса то ўша одамни рози қилмагунича жаннатнинг ҳидини ҳам ҳидламайди деган ҳадис эшитдим. Шу ҳақида тўлиқроқ маълумот берсангиз.

Банданинг гуноҳлардан сақланиши 28. 02.2016

Ассалому алайкум. Баъзида банданинг қалбида бир гуноҳ ишни қилишга рағбат пайдо бўлади. Ўша гуноҳни қилишга шарт-шароит қидира бошлайди. Лекин шундай пайтда банда ўша ният қилган гуноҳни қилишга Аллоҳ изн бермайди. Нимадир баҳона бўлади-ю, бандага ўша гуноҳ ёмон кўринади. Шундай пайтларда Аллоҳнинг бандасини бир гуноҳдан, гарчи ўша гуноҳни қилишга бандада хоҳиш бўлса-да, асраши кузатилади. Бу нимадан дарак беради? Аллоҳ ўша бандасини яхши кўришиданми? Ақийда ва руҳий тарбияга доир китобларда Аллоҳ ва банда орасидаги бу ҳолат нима деб аталади? Илтимос, мана шу масалада маълумот берсангиз.

Шундай ҳадис борми? 20.02.2016

Ассалому алайкум, қори ака. Жавоблар жуда қониқарли бўлмоқда. Сиздан яна бир нарсани сўрасам: ҳаётда 3 та ишдан қайтиш керак эмас, дейилади. 1. Ўғилни вақтида уйлантиришдан. 2. Маййитни тезроқ дафн этишдан. 3. Кимдир анжир узатса, уни олишдан. Ҳар бирининг ҳукми қандай? Бир дўстим шундай деди-ю, ҳукмини айтмади. Ҳадисларда бу ҳақида маълумот борми? Жавоблар учун олдиндан катта раҳмат!

Шайтон қиёмат бўлишини билармиди? 17.02.2016

Ассалому алайкум ва раҳматуллоҳ. Масжидимиз имоми билан ўтирганимизда у киши муфтий Усмонхон Алимовнинг Тафсири Ирфонларидан Аъроф сураси тафсирини ўқиб туриб, бир савол бериб қолдилар. Мазкур суранинг 14-15 оятларида шундай дейилган: Менга улар тириладиган Кунгача (Қиёматгача яшаш учун) муҳлат бер, деди у. (Аллоҳ) деди: Сен муҳлат берилганлардансан. Имом домла шундай савол бердилар: Шайтон ғайбни билганми? Қиёмат бўлишини билганми? Устоз, саволимиз шуки, мазкур оятдаги иблиснинг сўзини қандай тушуниш керак? Одам яратилмасидан аввал фаришта ва жинлар (хусусан Азозил) қиёмат кунидан бохабар бўлишганми?

Қабристонда Қуръон ўқиса бўладими? 16.02.2016

Ассалому алайкум, домла. Саволим шундан иборат: қабристонда Қуръон ўқиш мумкинми? Жавобингиз учун раҳмат.