Шаръий ва кавний ирода нима? 02.08.2015

Ассалому алайкум. Мен Ақидатут таҳовиянинг шарҳига Анвар Бадахшоний қилган талхисни ўқиш чоғида бир масалага тушунмадим. Унда шундай дейилибди: Муҳаққақ, Аҳли сунна вал жамоа уламолари, Аллоҳнинг Китобида ирода икки хилдир, дейдилар: шаръий ирода; кавний ирода. Шаръий ирода муҳаббат ва розиликни ўз ичига олган иродадир. Кавний ирода иккисига ҳам шомилдир. Шаръий иродани озроқ тушунгандай бўлдим, яъни Аллоҳ рози бўлган ҳолда ирода қилиши, худди солиҳ амалларни мўминга ирода қилгани каби. Балки бу тушунишим ноқис бўлгандир. Шунинг учун сиздан сўрашни лозим деб топдим. Илтимос, мана шу масалани тушунтириб берсангиз. Балки матн шарҳида Абул Изз Ҳанафий кенгроқ тушунтиргандирлар. Бадахшоний бўлса, хулосасини айтганлар.

Аёл ишласа бўладими? 02.08.2015

Ассалому алайкум, қори ака. Муслима аёл эрга текканидан кейин ўзининг соҳасида ишласа бўладими ёки уй бекаси бўлиб рўзғор юмушларини қилган афзалми? Илтимос, маслаҳат берсангиз! Аллоҳ олиб бораётган ишларингиздан рози бўлсин!

Жинсий алоқа вақтида бола уйғониб қолса... 01.08.2015

Ассалому алайкум. Жинсий алоқа пайтида фарзандим йиғлаб қолди. Шу пайт аёлим фарзандимга қараса бўладими? Бундай ҳолатда нима қилиш керак? Болани эмизса бўладими?

Қўл телефонига Қуръон ёзиб олса бўладими? 01.08.2015

Ассалому алайкум, Одилхон қори ака! Мен эшитиш мақсадида қўл телефонимга Қурьони карим сураларидан ёздириб олганман. Кейин, ўйлаб қолдим: қўл телефоним баъзан ерда ҳам ётади, орқа чўнтакка ҳам соламан, телефонда ҳар хил сўзлашувлар бўлиши мумкин ва ҳоказо. Саволим қуйдагича: қўл телефонида Қуръони карим суралари бўлиши жоизми? Жавоб учун олдиндан раҳмат.

Бегона қиз билан SMS орқали гаплашиш ҳукми 01.08.2015

Ассалому алайкум! Анчадан бери сизга маслаҳат ўрнида бир савол бермоқчи эдим: ишхонада мен билан бирга ишлайдиган бир қизга кўнгил қўйиб, ота-онамни совчиликка юборган эдим. Уйимиз таъмирланаётгани боис бу йил тўй қилолмаймиз. Қиз тарафдагилар бир йил узоқ муддат бўлгани учун аниқ бир тўхтамга келмадилар. Биз бир жойда ишлаганимиздан ўртамизда илиқлик пайдо бўлган. Лекин ишхона ва бошқа жойда пинҳона равишда учрашмаймиз. Фақат телефонда SMS орқали хабарлашиб турамиз. Бу ҳақида ота-онамизнинг хабарлари йўқ (балки сезишар). Мени қийнаётган нарса шуки, бегона қиз ва йигит SMS орқали гаплашиб туришига динимизда қандай қаралади? Бу вазиятни тўғри ечилиши учун нима маслаҳат берган бўлардингиз?