Мусулмон ўқитувчи аёл ҳамкасблари билан қўл бериб сўрашмаганлиги учун ишдан бўшатилди

Норвегиянинг Осло шаҳрида мусулмон ўқитувчи ҳамкасб аёллар билан қўл бериб кўришишдан ўзини тортгани учун ишидан айрилди.

Мусулмон ўқитувчи ишлаётган Экеберг мактаби раҳбари Бенте Альфхейм унинг устидан аёл ҳамкасблари шикоят қилганликларини, “кўпинча у билан кўришмоқчи бўлганда у қўл беришни истамаганини”, айтишганини маълум қилган.

Лекин мусулмон ўқитувчи буни уларга нисбатан ҳурматсизлик сифатида билмасликларини сўраб, ўз эътиқоди нуқтаи назаридан бундай қила олмаслигини тушунтирган.

Шу ўринда, Жамиятдаги миллатчиликка қарши курашиш ташкилоти раҳбари Ахенатон Оддвар де Леон: “Кишининг диний эътиқоди унинг иш фаолиятини юритишга кескин халал берсагина уни ишдан бўшатиш мумкин”, – дейди.

“Мазкур ҳолат эса мутлақо бошқа, у бу шартларга тўғри келмайди”, – дейди у.