“УМРА-2016” РАМАЗОН МАВСУМИ ГУРУҲ РАҲБАРЛАРИ ЙИҒИЛИШИ
Жорий йилнинг 31 май куни Тошкентдаги “Шайх Зайниддин” жоме масжидида “Умра-2016” рамазон мавсуми гуруҳ раҳбарлари иштирокида йиғилиш бўлиб ўтди.
Унда Дин ишлари бўйича қўмита масъул ходимлари М.Йўлдошев, Д.Бабаджанов, ЎМИ Матбуот котиби Ж.Нуриддинов, ЎМИ Халқаро алоқалар бўлими мудири М-А. Шакиров, шифокор Қ.Абдуллаев ва гуруҳ раҳбарлари иштирок этишди.
Тадбирда гуруҳ раҳбарлари томонидан риоя этиладиган қонун-қоидалар, уларнинг бурч ва масъулиятлари, умра ибодати рукнлари, сафарга жўнаб кетиш ҳамда Саудия Арабистонидаги ташкил қилинадиган ишларнинг элликбошиларга тааллуқли бўлган жиҳатлари атрофлича ёритилди.
Шунингдек, сафарга доир ҳужжат ишларида нималарга эътибор қаратиш лозимлиги ва гуруҳдаги зиёратчилар билан ишлаш давомида уларнинг паспорт ва бошқа ҳужжатларини юритиш қоидалари борасида ҳам гуруҳ раҳбарларига маълумот берилди.
Шифокор Қаҳрамон Абдуллаев зиёратчилар соғлиғини муҳофаза қилиш борасида гуруҳ раҳбарларига зарур тиббий тавсиялар берди. Тадбир якунида мутасаддилар гуруҳ раҳбарлари томонидан берилган барча саволларга батафсил жавоб берди.