Тошкент шаҳридаги 22-сонли меҳрибонлик уйида хайрия тадбири бўлиб ўтди.
19.10.2015 4225
18 октябрь куни Тошкент шаҳридаги И.Ю.Хлебушкина номли 22-сонли Меҳрибонлик уйида Учтепа тумани бош имом хатиби Қувондиқ Боймуродов ташаббуси билан ҳомийлар иштирокида меҳрга муҳтож болалар ҳолидан хабар олиниб, дастурхон атрофида хайрия тадбири ўтказилди.
Замонавий тарзда қуриб битказилган мазкур меҳрибонлик уйида Давлатимиз томонидан болалар учун барча шароитлар муҳайё қилинган. Болалар чиройли безатилган хоналарда, яхши шароитларда ўсиб улғаймоқдалар. Хайрия тадбири якунида Қуръон тиловати қилиниб, меҳрга муҳтож болалар ҳаққига дуо қилинди. Меҳрибонлик уйи мураббий ва тарбияланувчилари ушбу ташаббус учун ўзларининг чуқур миннатдорчиликларини билдирдилар.
